Құран мен хадистегі ата-ананың ақысы

Дін

Алла Тағала адамзатқа жіберілген соңғы қасиетті кітап Құран-кәрімде ата-ананың ақысына ерекше назар аударған. Шексіз мейірім иесі Жаратушы иеміз Менің құзырыма ата-ананың ақысын аяқ асты етіп емес, қайта олардың ризашылығына бөленіп, ақ батасын алып келіңдер деп бұйырған. Олай болса, Ұлы Жаратушының ескерткен нәрселерін құрмет тұту – мұсылмандықтың белгісі.

Құран Кәрімде ата-ана ақысына ерекше мән берілсе, Пайғамбарымыз (с.ғ.с.) да өз хадистерінде ата-ана ақысын жоғары бағалаған. Күллі ғаламға рақым пайғамбары ретінде жіберілген ардақты Елші үмбетіне айтқан сөздері мен істеген істері арқылы кез-келген мәселеде үлгі болған.

Пайғамбарымыздың (с.ғ.с.) Аллаға деген сенім мен тәухид мәселесінен кейінгі ең көп көңіл бөлген мәселенің бірі – ата-ананың ақысы болатын. Алла тағала Қасиетті Құранда өзіне шүкіршілік қылуды бұйырып, шүкіршілікке қатысты нығметте ата-ананың да орны бар екенін меңзейді. Яғни бұл аяттан түсінеріміз Мұсылман баласы ата-анаға шүкіршілік етпесе, толық шүкіршілік еткен болып саналмайды:

﴿ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ )

«Маған және әке-шешеңе шүкір ет. Қайтар орның Мен жақ.»

Пайғамбарымыз (саллаллаһу аләйһи уә сәлләм) айтты:

« ثلاث دعوات مستجاب لهن ولا شك فيهن : دعوة المظلوم ، ودعوة المسافر ، ودعوة الوالدين على الولد » ( أحمد والبخاري ) .

«Үш дұға міндетті түрде қабыл болады, онда еш күмән жоқ: Зұлымдыққа ұшырағанның дұғасы, жолаушының дұғасы, ата-ананың баласына дұғасы», – деп ата-ананың баласына жасаған дұғасы бірден қабыл болатынын айтқан. Сол үшінде ата-анамыздан жақсы дұға алған, оларды разы қылған құлдардын қатарынан қылсын Жаратушы иеміз. Амин.

Ерлан Сағынов,

«Шапағат» қоғамдық қорының

Индер ауданы бойынша теологы

Добавить комментарий

Ваш адрес email не будет опубликован. Обязательные поля помечены *