Салт дәстүр-ұлттық тәрбие негізі

Қоғам

       Елбасы өзінің «Болашаққа бағдар: рухани жаңғыру» мақаласында қазіргі кезеңдегі әлемдік жаһандану жағ­да­йында заман ағымына икемделуді, жаңа дәуірдің озық үлгілерін бойымызға сіңі­руді, ұлттық кодымызды сақтауды міндеттеді. Н.На­зарбаев: «Жаңа тұрпатты жаңғырудың ең басты шарты – сол ұлттық кодыңды сақтай білу. …Жаңғыру атаулы бұрын­ғыдай тарихи тәжірибе мен ұлттық дәс­түрлерге шекеден қарамауға тиіс. Кері­сінше, замана сынынан сүрінбей өткен озық  дәстүрлерді табысты жаңғырудың маңызды алғышарттарына айналдыра білу қажет. Егер жаңғыру елдің ұлттық-рухани тамырынан нәр ала алмаса, ол адасуға бастайды. Сонымен бірге, рухани жаңғыру ұлттық сананың түрлі полюстерін қиыннан қиыстырып, жа­рас­тыра алатын құдыреті­мен маңызды. …Мен халқымның тағылымы мол тарихы мен  ықылым заманнан арқауы үзілмеген ұлттық салт-дәстүрлерін алдағы өркендеудің берік діңі ете оты­рып, әрбір қадамын нық басуын, бола­шаққа сеніммен бет алуын қалаймын», – деп жазды. Иә, ақиқатында этносты (халықты) анықтаушы бір белгі, ол – этникалық мәдениет. Сол мәдениетке халықтың тілі, ділі, діні, салт-дәстүрі, әдет ғұрпы, музыкасы, өнері, т.б. кіреді. Бұлар ұлттық кодтың элементтері. Олай болса, ұлттық түп-тамырымызды, ұлттық құндылықтарымыздың бірі – ата-баба­мыздан келе жатқан дәстүрі­міздің озық үлгілерін атадан балаға мирас етіп жеткізу керек.  Дәстүр – ұлтқа рух беріп, оның ішкі, сыртқы кел­бетін өрнектеп көрсетіп тұратын сипаттардың бірі. Дәстүр – адамдардың ғасырлар бойы қалыптас­тырған құнды­лығы, әлеуметтік-мәдени мұрасы.   Осыған орай, Атырау облысы Дін істері басқармасының мемлекеттік тапсырысы аясында «Шапағат» Қоғамдық қорының ұйымдастыруымен орталықпен тығыз байланыста келе жатқан «жусан» гуманитарлық бағдарламасы арқылы елімізге оралғандар арасында  «Салт дәстүр-ұлттық тәрбие негізі»  тақырыбында табиғат аясында ұлттық мәдени шара өтті.

       Қазақ халқының да өзіне сай ерекшеліктернің бейнесі секілді салт-дәстүрі бар. Олардың мән-мағынасы, берер тәрбиесі мол. Қазіргі таңда осы дәстүр сабақтастығын жалғау мақсатында  шара ұйымдастырылды.

       Шарада «Бесікке салу» , «Тұсау кесу» рәсімдері көрсетілді. Ақжаулықты әжелер бесікке салу рәсімін көрсетіп, бесіктің артықшылығын, құрал –жабдықтарын түсіндірді.

      Атаулы шарада «Жусан» бағдарламасы арқылы елімізге оралған отбасы мүшелері мен балаларына салтты түсіндіріп, малды сою тәртібі, малды сойғанда оқылатын дұға, атқа мінгізу тәртібі секілді дәстүрлерде назардан тыс қалмады.

      Қазақ халқы­ның әлі де түп қазығын сақтап отырған әдет-ғұрып, салт-дәстүрлерінің қай қай­сысы болма­сын, оның дамуында, қалыпта­суында негізгі идеологияның бірі болып табы­лады. Сондықтан да ата-бабалары­мыздың өмір тәжірибесімен қалыптас­қан әдет-ғұрып, салт-дәстүрлерімізді ұлттық кодымыздың анықтаушы бір элементі ретінде қоғамдық, отбасылық іс-әреке­тімізде, тұрмыс-салтымызда ұстануымыз керек. Себебі, ұлттық әдет ғұрып, салт дәс­түрлер арқылы – қазақ халқының өзіндік дәстүрлерін бойына сіңіре білетін, салт-дәстүрлерімізді ұғына білетін, оны ұрпақ­тан-ұрпаққа жалғастыра білетін, ұлттық рухпен қару­ланған тұлғаны қалыптас­тыруға мүм­кіншілік аламыз. Халқымыздың тәрбие негізі, асыл қазынасы – салт-дәс­түр­лерді дұрыс жеткізе білсек, ұлтжанды азаматты қалыптастырдық деп, нық айтуға болады.

Добавить комментарий

Ваш адрес email не будет опубликован. Обязательные поля помечены *